من رواائع المبدع حاااامد زيد

قصيدة للشاعر حامد زيد...

راااااائعه جدا

عفى الله عن خطا غدر الخناجروالضلوع ابطال
بسافر واتركك تحت الظلام لحالك لحالك

دخيلك وفر دموعك ترى هدر الدموع اذلال
وترى مافي احد يصبر مثل صبري بغربالك

انا عيب علي انقض كلامي والرجال افعال
واذا قلت اقطع احبالك تراني بقطع حبالي

عشان اكسب هدب عينك تجرعت العذاب اشكال
وليتك ترأف بحالي عشان ارأف بحالك

مسوي في حياتي شي مايذكر ولاينقال
حشى حتى العدو وهو العدو مايعمل أعمالك

تمسيني على الهم وتصبحني على الغربال
تقلطني فناجيلك وتكسر عني ادلالك

تحملت التعب لجلك وانا همي يهد اجبال
رحت من العذاب وماوقفت الا على جالك

علامك كل ماجيك متواضع جيتني تختال
معاك اليامتى بصبر وصبري معك يحلالك

مثل مااقبلت لعيونك لزوم ترد لي بقبال
ومثل ماقد حشمتك حس واحشم قلبي اشوالك

انا محد جابرني اساير معك هالمنوال
ترى لاني تبيع لك ولاني بأصغر عيالك

أنا جيت اعشقك نبض ومشاعر مااعشقك تمثال
انا جيت اسكنك واحياك وابقى فيك وأبقالك

انا جيت بظما عاشق تعب يطرد سارب اللال
انا جيت استفز رضاك من فرقاك والجألك

انا ماهمت بك عاقل انا كنت اعشقك بخبال
انا ماكنت احبك حي انا كنت اعشقك هالك

تخيل من كثر مااخاف تلقى للزعل مدخال
أخاف اخطي على طيفك وادوس برجلي اظلالك

تبعتك والعرب تتبع رعود البارق الهمال
وانا شفت المطر يتبعك في حلك وترحالك

كأن اللي خلق حسنك خلقني مع جسدك اظلال
وصرت اقرب جسد يمشي معك باقفاك واقبالك

ابي قلبك يحس انه فقد بمحبته رجال
ملكته من هدب عين وخسرت ارضاه باهمالك

صحيح ان الفراق اقسى ولكن الوصال محال
وانا صعب علي ارضي غرورك واضعف قبالك

بعد ماحققت عيني في بعدك للرقاد آمال
اعود للسهر ياخوي فال الله ولا فالك

ببدل نظرتك فيني واجيك كل يوم بحال
بكون اقرب لك من ثيابك عليك ولاتهيألك

بلمك وانثرك واجمعك وارجع وانثرك باهمال
بخونك وأزعلك وارضيك وازعل منك وارضالك

أبرسم بالثرى وجهك وادفن صورتك بارمال
أبشكي للعرب فرقاك وأضحك عند عذالك

أبهديك الوصال افراق واهديك الفراق وصال
بسوي مثل مااشوفك تسوي وأفعل افعالك

عشان تعرف مين فينا الزعول ومين وسيع البال
ابيك تذوق فنجالي وانا بذوق فنجالك

نصيحه واحتفظ فيها قصر معك الزمن أو طال
أبي تسمع كلامي زين وتحطه على بالك

اذا حبك هبال اطفال الك عندي هبال اطفال
لا وابشربعد بهبال حب ماهو بهبالك

واذا قصدك تهين اسمي عشان تشمت العذال
حشى لاانت ولا غيرك ولاعشرة من اشكالك

أخووووووكم BEBO

PEACE